اشحن طاقة إيجابية

كلنا بيجي علينا فترة بنبقى حاسين بالاحباط و الفشل

و بنبقى محتاجين اى حد يقولنا برافو .. انتو ماشين صح !! محتاجين دعم نفسي

بنفضل نقرا قصص نجاح كتير ناس كانت فى ظروف اسوء مننا و نجحو و ناس التانية الكوسة نفعتهم و الى قريبة فلان شغله الخ ..

و بنقول لنفسنا هو انا ليه مش مكانه !! انا استاهل اكون فى مكان كويس و واحده واحده الاحباط يتسرسب و يمسك فيك

و ندخل فى حالة نفسية سيئة و بنفضل فيها لحد ما تيجي حاجه تخرجنا منها

كل ده غصب عننا .. الظروف . البلد . التعليم . الشغل . الكورسات الغالية .. المواقف السلبية الى بتشوفها فى كل حاجه حوليك

فى الجامعة فى المترو فى الشارع و فى الشغل

ويقول الدكتور أحمد هارون مستشار العلاج النفسى وعلاج الإدمان، إن الشخص القوى ليس هو الشخص الناجح، بل هو الشخص القادر على تحويل الفشل إلى نجاح.

تعالو نشوف مع بعض ازاى نحول الفشل لنجاح و نشوف ازاى نسيطر على حالة الاحباط الى بتجيلنا دى

اول حاجه لازم نسال نفسنا سوال مهم جدا

هيحصل ايه لو فضلت محبط كده !!

هنجح فى الامتحان !! , هترقى فى الشغل !! , هعدي من الانترفيو الجاي !! , هذاكر الكورس الاونلاين و اخد شهادة !!

لو فضلت محبط مفيش اى حاجه هتحصل الدنيا هتكمل و هتمشي و الناس هتشتغل و تشوف مصالحها و هيبقى انت خسرت انك ضيعت وقت فى الاحباط

و عشان الخروج من الحالة دي مش هيجي و انت بتقرأ المقال ده

فى شوية حاجات مجربة حاول تعملهم كلهم او حتي حاجه واحده منهم ..

1- ابسط نفسك

دور على كل الى بيبسطك و اعملة , اخرج , كل اكله بتحبها , روح اتفرج على سينما انصحكم بفيلم Steve Jobs

كلم صحابك , قرايبك , روح شوفهم و اقعد معاهم و بلاش تعزل نفسك عن العالم صدقني ساعتها هتحس ان الموود ابتدي يتغير
خد راي حد بتثق فيه من صحابك فى مشاكلك و خليه يساعدك

2- إكتب و أقراء

خلاص روقت شوية بعد الفسحة الحلوة !!

ارجع بقى البيت هات ورقة و قلم و اكتب اهدافك !!

هنجح السنادي بتقدير ,, ابقى احسن موظف فى الشهر فى الشركة , اغير اسلوبي مع زمايلى , اتعلم لغه جديدة

اكتب بقي الحاجات السلبية الى فيك و الى موقفاك عشان تحدد اهدافك دي

حاول تكون واقعي .. متقولش اصل البلد دى مفيش حد هينجح فيها , فى كتير نجحو على فكرة

يا سيدى انا معاك البلد ظروفها وحشة و صعب تنجح فيها بس احنا فى عصر ال Social media  الحاجه الى هتعملها دي ممكن توصلها للعالم كلة و اعتقد اننا شوفنا امثلة كتييير اوي ناس مكنش اى حد يعرفهم و فى يوم و ليله بافكارهم و جهدهم العالم كله عرفهم

متدورش على شغل فى شركة برة او حتي جوه ,, اعمل حاجه خليهم هم الى يبصولك و يقولولك تعالى

و انت بتدور فى السلبيات هتلاقى ان فى حاجة او اتنين محتاج تطور نفسك فيهم

جية دور القراءة بقى … هات كتب و اقراها ,, ملكش حجه يا عم لو الكتب غالية ادخل هنا هتلاقى مواقع كتب كتير تقدر تستفيد منها

و اخيرا بقى بعد ما روقت و بقيت كويس كده الحمد لله ^_^

ابعد بقى عن اى حد كئيب و سلبي . حاول تخلي كل الى حواليك ناس ايجابية لو مفيش اتعرف على حد