ازاي تتحول لـ شخص منجز ‏‎

1- حلل دوافعك :

راقب مناطق انجازك وحاول تسال نفسك انت ليه بتعمل مهام معينة ومهام اخري لا حاول تجاوب في كل حاجة بتنجزها علي انا عملت دي ليه ومعملتهاش ليه وبعد تحليل الدوافع هتقدر تحط خطة جيدة للانجاز

2- اعمل قوائم (

القائمة أو (to-do list) هتساعدك انك ترتب شغلك حسب الأولوية وكمان عشان متنساش حاجة…لما هتخلص جزء من شغلك وتشيله من القائمة هتحس بالانجاز وهتتشجع انك تخلص أكبر قدر ممكن من شغلك.
المشكلة هي ان ممكن الشغل يبقى كتير والقائمة تبقى محبطة…ممكن

3- تعمل قائمتين:
واحدة يبقى فيها المهام اللي ليها الأولوية ووقتها محدود، والقائمة التانية يبقى فيها المهام اللي ليها أولوية أقل وليها مساحة وقت أكبر.
ولو اشتغلت على مهمة وتفكيرك وقف ومش قادر تكملها …اشتغل على اللي بعدها عشان الوقت ما يضيعيش ….ممكن لما تسيبها شوية وترجعلها تجيلك فكرة جديدة تخليك تكملها.

4- حدد مواعيد معقولة لانتهاء كل مهمة:
حدد بشكل تقديري معاد لانجاز كل مهمة….ممكن تتحدى نفسك وتخصص وقت قليل لمهمة معينة …بس خليك واقعي في نفس الوقت عشان ما تحسش بالاحباط لو اتأخرت عن المعاد ده.

5- ابدء بالمهام السهلة :
انك تخلص المهام السهلة ده هيديك دافع انك تخلص الصعب واحساس انك قربت

6- متخليش حاجة توقفك :
لو حسيت ان في مهمة واقفة خالص سبها وروح لغيرها وابقي ارجعلها بعدين بس خد بالك لازم ترجعلها علشان متبقاش عقدة بالنسبة ليك

7- خد استراحة:
الاستراحة مهمة جدا لانك لو ماخدتهاش هتزهق من الشغل ومش هتخلصه لأن تركيزك هيقل….استغل الاستراحة واتغدى مع زمايلك وغيّر من جو الشغل شوية.

8- كافىء نفسك:
قسم شغلك لمهام صغيرة وحاول تحس بحلاوة كل انجاز ولو انجزت المهمة كلها بالشكل المطلوب كافىء نفسك لان ده هيشجعك انك تحافظ على نفس الأداء في الشغل.